Psa 47 | LugEEEE | STEP | Ya Mukulu wa Bayimbi. Zabbuli ya Batabani ba Koola. Mukube mu ngalo mmwe amawanga gonna; muyimuse amaloboozi muyimbire nnyo Katonda ennyimba ez’essanyu;

Psalms 47

Ya Mukulu wa Bayimbi. Zabbuli ya Batabani ba Koola.

1 ^aMukube mu ngalo mmwe amawanga gonna;
muyimuse amaloboozi muyimbire nnyo Katonda ennyimba ez’essanyu;
2 ^b Mukama Ali Waggulu Ennyo wa ntiisa.
Ye Kabaka afuga ensi yonna.
3 ^cYatujeemululira abantu,
n’atujeemululira amawanga ne tugafuga.
4 ^dYatulondera omugabo gwaffe,
Yakobo gw’ayagala mwe yeenyumiririza.

5 ^eKatonda alinnye waggulu ng’atenderezebwa mu maloboozi ag’essanyu eringi.
Mukama alinnye nga n’amakondeere gamuvugira.
6 ^fMutendereze Katonda, mumutendereze.
Mumutendereze Kabaka waffe, mumutendereze. ^{▼▼Okutenderezebwa kwakolebwanga ne Siyofa, ejjembe eryafuuyibwanga okulangirira Omwaka Omuggya}
7 ^hKubanga Katonda ye Kabaka w’ensi yonna,
mumutendereze ne Zabbuli ey’ettendo.

8 ⁱKatonda afuga amawanga gonna;
afuga amawanga ng’atudde ku ntebe ye entukuvu.
9 ^jAbakungu bannaggwanga bakuŋŋanye
ng’abantu ba Katonda wa Ibulayimu;
kubanga Katonda y’afuga abakulembeze b’ensi.
Katonda agulumizibwenga nnyo.